Main bachpan ko bula rahi thee, Bol uthi bitiya meri

Main bachpan ko bula rahi thee, Bol uthi bitiya meri
Nandan-van si fool uthi, yeh chhoti si kutiya meri

Ma O! keh kar bula rahi thee, mitti kha kar aai thee
Kuchh moonh mein, kuchh liye haath mein, mujhe khilaane laai thee

Pulak rahe the ang, drigo mein, kautu-hal tha chhalak raha
Moonh par thee alh-laad laalima, vijay-garv tha jhalak raha

Maine poochha "yeh kya laai?", bol uthi weh "Maa kaao"
Hua prafullalit hriday khushi se, maine kaha "tum hi khaao

Paaya maine bachpan phir se, bachpan beti ban kar aaya
Uski manjul moorti dekh kar, mujh mein nav-jeevan aaya

Main bhi uske saath khelti hoon, tut-laati hoon
Mil kar uske saath, swayam main bhi bachchi ban jaati hoon

Jise khojti thee barso se, ab jaa kar usko paya
Bhaag gaya tha mujhe chhod kar, weh bachpan fir se aaya!



Looking for something just Ask Uncle Cruise from Contact Us Page on Right side.

Send your request and Interesting mails on unclecruise@gmail.com

Posted On: http://unclecruise.blogspot.com/

Watch Indian TV Ads

Ads In TV