Ye daulat bhi le lo, ye shoharat bhi le lo
bhale chhin lo mujhase meri javaani
magar mujhako lautaa do bachapan kaa saavan
vo kaagaz ki kashti, vo baarish kaa paani
jagjeet:
muhalle ki sabase nishaani puraani
vo budhiyaa jise bachche kahate the naani
vo naani ki baaton men pariyon kaa deraa
vo chehare ki jhuriryon men sadiyon kaa pheraa
bhulaae nahin bhuul sakataa hai koi
vo chhoti si raaten vo lambi kahaani
chitraa:
kadi dhoop men apane ghar se nikalanaa
vo chidiyaa, vo bul-bul, vo titali pakadanaa
vo gudiyaa ki shaadi men ladanaa jhagadanaa
vo jhuulon se giranaa, vo gir ke sambhalanaa
vo pital ke chhallon ke pyaare se tohafe
vo tooti hui chudiyon ki nishaani
jagjeet:
kabhi ret ke unche tilon pe jaanaa
gharaunde banaanaa, banaake mitaanaa
vo maasuum chaahat ki tasveer apani
vo khwaabon khilaunon ki jaagir apani
na duniyaa kaa gham thaa na rishton ke bandhan
badi khoobasurat thi vo zindagaani
Posted On: http://unclecruise.blogspot.com/
A GREAT ND TOUCHING SONG
ReplyDeleteThis is one of my favorite ghazals. Brings out the truth of my childhood and my grandma. Every thing is so fresh in my mind when i hear this ghazal. It is true of my time, but this will not be true of the current age childrel who i think will never be playing in the rain puddles and listening to grandmas stories in this age of computer games and television.
ReplyDeleteArun Sharma Pune